काठमाडौँ, २१ फागुन । सरकारले दूधको मूल्यमा प्रतिलिटर ९ रुपैयाँले बढाएर ६५ रुपैयाँ प्रतिलिटर पुर्याएको छ । अब किसानले ६५ रुपैयाँ प्रतिलिटरमा दूध बेच्ने छन् । शुक्रबार बसेको मन्त्रिपरिषद् बैठकले दूधको मूल्य लिटरमा ९ रुपैयाँले बढाएर ६५ रुपैयाँ प्रतिलिटर पुर्याएको हो । हाल दूधको माग ३५ लाख लिटर भए पनि ३० लाख लिटर मात्र उत्पादन हुन सकेको छ । करिब ५ लाख लिटर दूध अपुग छ। अपुग मागलाई कच्चा दूध आयात गरेर मागपूर्ति गर्नुपर्छ नभए डेरी उद्योगीहरू संकटमा पर्ने अवस्था छ।